VIDEO: პსჟ-მ სტუმრად ლორიანს ვერ მოუგო - კვარა შეცვლაზე შემოვიდა

საფრანგეთის ლიგა 1-ის მე-10 ტურში პსჟ სტუმრად ლორიანს დაუზავდა.

შეხვედრა ფრედ 1:1 დასრულდა. ორივე გოლი მატჩის მე-2 ნახევარში გავიდა, მატჩის 49-ე წუთზე ნუნო მენდეშმა პსჟ დააწინაურა, თუმცა მასპინძლებმა 2 წუთშივე შეძლეს წონასწორობის აღდგენა და შეხვედრა ასეც დასრულდა.

ხვიჩა კვარაცხელიამ მატჩი სათადარიგოთა სკამზე დაიწყო და მოედანზე 62-ე წუთზე, უსმან დემბელეს ნაცლვად გამოჩნდა.

ჩატარებულ დაახლოებით ნახევარ საათში კვარამ კარში ორჯერ დაარტყა, დრიბლინგის 4 მცდელობიდან 2 ჰქონდა წარმატებული და 25-დან 25-ვე პასი ზუსტად შეასრულა. 

ამ მატჩისთვის გამოცემა SofaScore-მ კვარაცხელიას 6.2 შეფასება დაუწერა. 

პსჟ-მ ჩემპიონატში ბოლო 5 მატჩში მესამე ფრე ითამაშა, 21 ქულა დააგროვა და კონკურენტებს, კერძოდ კი ლიონს ცხრილში დაწევის შანსი მისცა - თუ ოლიმპიკი თავის მატჩს მოიგებს, ამდენივე ქულას დააგროვებს.

0-1 მენდეში 49'

1-1 სილვა 51'