VIDEO: ფუტსალის ნაკრები დღეს ესტონეთს შეხვდება - დასწრება თავისუფალია

საქართველოს ფუტსალის ეროვნული ნაკრები, ევროპის ჩემპიონატისთვის მზადების ფარგლებში, ესტონეთთან ამხანაგურ მატჩებს გამართავს. პირველი მატჩი დღესაა, მეორე ხვალ - 10 ნოემბერს.

ავთანდილ ასათიანი შეხვედრებისთვის ნაკრებს ამზადებს თბილისის ოლიმპიურ სასახლეში, სადაც აღნიშნული ორივე მატჩი ჩატარდება.

საქართველოს ნაკრები ასეთი შემადგენლობითაა:

მეკარე: თორნიკე ბუკია (ნიუ-ვიჟენ ჯორჯიანსი), ბექა ტყემალაძე (ნიუ-ვიჟენ ჯორჯიანსი), ლუკა ხარშილაძე (ისტიკლოლი, ტაჯიკეთი);

წინა ხაზი: ლევან სვანიძე (პსპ), გიორგი ჩიმაკაძე (კსუ), ვახტანგ კეკელია (ნიუ-ვიჟენ ჯორჯიანსი), ჯანო კვარაცხელია (ფაკელი, რუსეთი), ირაკლი თოდუა (ნიუ-ვიჟენ ჯორჯიანსი), ჯანიკო გიორგაია (კსუ), არჩილ სებისკვერაძე (კსუ), ნიკა ხარატიშვილი (ისტიკლოლი, ტაჯიკეთი), ნუკრი ჭუმბურიძე (ნიუ-ვიჟენ ჯორჯიანსი), საბა ტყეშელაშვილი (ნიუ-ვიჟენ ჯორჯიანსი), გიორგი ღავთაძე (ტიუმენი, რუსეთი), შოთა თოფურია (ნიუ-ვიჟენ ჯორჯიანსი).

დღევანდელი თამაში 18:00 საათზე დაიწყება და ნაკრების მეკარე თორნიკე ბუკიასთვის მე-100 სანაკრებო მატჩი იქნება. 10 ნოემბრის შეხვედრა კი 17:00 საათზეა ჩანიშნული.

ორივე მატჩის პირდაპირ რეპორტაჟს პირველი არხი სპორტი შემოგვთავაზებს. დასწრება თავისუფალია.