VIDEO: ქოჩორას ასისტი - ძირითადში იყო და სრულად ითამაშა
13 დეკ, 2025 · 0 წთ წასაკითხად
-
Aa
+
ფონტის ზომა
გიორგი ქოჩორაშვილმა, პორტუგალიის ჩემპიონატის ეგიდით, პირველი საგოლე მოქმედება მიითვალა. მისმა სპორტინგმა ბოლოადგილოსან ავეშს 6:0 მოუგო.
ლისაბონელთა მთავარმა მწვრთნელმა, რუი ბორჟესმა გუნდის კაპიტანი მორტენ ჰიულმანი დაასვენა, ძირითადში კი ქოჩორაშვილი-მორიტას დუეტი იყო.
ქოჩორა, უშუალოდ ჩემპიონატის მატჩში, სასტარტოში 22 სექტემბრის შემდეგ პირველად მოხვდა და 37-ე წუთზე საგოლე გადაცემა შეასრულა. გოლი კატამომ შეაგდო და ანგარიში 3:0 გახადა.
ქართველისთვის სპორტინგში მე-2 საგოლე მოქმედებაა - ჩემპიონთა ლიგაზე კაირათთან ასევე ასისტი მიითვალა.
14 ტურის შემდეგ, ლისაბონურმა გრანდმა 35 ქულა მოაგროვა და 2 ქულამდე მიუახლოვდა ლიდერ პორტუს, რომელიც ამ ტურის მატჩს ორშაბათს ჩაატარებს.
23 დეკემბერს, ლომები მე-6 ადგილოსან გიმარაეშის ვიტორიას ესტუმრებიან.
