VIDEO: როლან გაროსზე ქალთა ფინალური წყვილი გაირკვა

საფრანგეთის დედაქალაქ პარიზში მიმდინარე როლან გაროსზე ქალთა თანრიგში ფინალური წყვილი გაირკვა.

პირველ ნახევარფინალურ მატჩში მსოფლიო რეიტინგის მე-15 ნომერი მარტა კოსტიუკი მე-8 ნომერ მირა ანდრეევას დაუპირისპირდა. შეხვედრა 1 საათი და 17 წუთი გაგრძელდა და 19 წლის რუსის გამარჯვებით 2 სეტში (6-1, 6-3) დასრულდა.

მეორე ნახევარფინალურ შეხვედრაში რეიტინგის 23-ე ნომრის დიანა შნაიდერისა და 114-ე ნომერ მაია ხვალინსკას დაპირისპირება შედგა. ამ მატჩის ხანგრძლივობა 2 საათი და 7 წუთი გამოდგა, საბოლოოდ კი პოლონელმა რუს მეტოქეს 2 სეტში (7-6, 6-4) მოუგო.

მაია ხვალინსკა გახდა როლან გაროსის ისტორიაში პირველი მოთამაშე, რომელმაც ფინალში გასვლა კვალიფიკაციიდან მოახერხა.

ფინალური მატჩი რუს და პოლონელ ჩოგბურთელებს შორის 6 ივნისს გაიმართება.