VIDEO: რუსთავმა აუტსაიდერს ვერ მოუგო და ერთპიროვნული ლიდერობა დაკარგა
09 სექ, 2026 · 0 წთ წასაკითხად
-
Aa
+
ფონტის ზომა
რუსთავმა ეროვნულ ლიგაში ზედიზედ მესამე თამაში ვერ მოიგო და ერთპიროვნული ლიდერის სტატუსი დაკარგა.
ჩემპიონატის 25-ე ტურში, რუსთაველებმა სპაერთან სტუმრად 1:1 ითამაშეს - თბილისელები გოჩა ცირდავამ დააწინაურა, რასაც ჟანმა უპასუხა.
ბრაზილიელმა შემტევმა მიმდინარე სეზონში მე-8 გოლი გაიტანა და ბომბარდირთა სამეულს მხოლოდ 1 გოლითღა ჩამორჩება - კომნენ ანდრიჩს (ტორპედო), დმიტრი მანდრიჩენოსა (დინამო ბათუმი) და ველისოლს (სამგურალი) 9-9 გოლი აქვთ.
აღნიშნული შედეგით, რუსთავს 43 ქულა აქვს და მას გაუთანაბრდა დინამო ბათუმი, რომელმაც საკუთარ მოედანზე მოქმედ ჩემპიონ იბერია 1999-ს 2:0 აჯობა.
გია ცეცაძის გუნდი მომდევნო ტურში, 14 სექტემბერს, ბოლოადგილოსან მეშახტე ტყიბულს ესტუმრება, ხოლო სპაერი იბერია 1999-ს ასევე გასვლაზე შეხვდება (13 სექტემბერს).
