საბა ლობჟანიძემ ახალი კლუბის, რეალ სოლტ ლეიკის მაისურით პირველი გოლი გაიტანა.
ქართველმა შემტევმა ლოს ანჯელესთან მატჩისას მე-18 წუთზე ანგარიში გაათანაბრა - 2018 წლის მსოფლიო ჩემპიონ საფრანგეთის კაპიტან უგო ლორისს დაბალი დარტყმით გაუტანა.
საბა სოლტ ლეიკში ივლისში გადავიდა, მე-11 შეხვედრა ჩაატარა და მე-4 საგოლე მოქმედება შეასრულა - 1 გოლი, 3 ასისტი.
რეალ სოლტ ლეიკისა და ლოს ანჯელესის თამაში 2:2 დასრულდა, რითაც ლობჟანიძის გუნდის MLS-ში მოუგებელი სერია 9 მატჩამდე გაიზარდა - 17 მაისის შემდეგ აღარ უმარჯვიათ.
სოლტ ლეიკს ამჟამად 29 ქულა აქვს და დასავლეთ კონფერენციის მე-10 ადგილზე იმყოფება - საპლეიოფო ზონამდე სხვაობა 1 ქულაა.
