VIDEO: სადებიუტო მშრალი კარი ლივერპულში - მამარდამ პრემიერ ლიგაში პირველად მოიგო

გიორგი მამარდაშვილმა ლივერპულის მაისურით კარი მშრალად პირველად შეინახა და პრემიერ ლიგაში სადებიუტო გამარჯვებაც მოიპოვა. მისმა გუნდმა ენფილდზე ასტონ ვილას 2:0 მოუგო. გოლები მოჰამედ სალაჰმა და რაიან გრავენბერხმა გაიტანეს.

მამარდაშვილმა ლივერის ძირითადში მე-7 მატჩი ჩაატარა - ჯამში 3 სეივი ჰქონდა, მათ შორის, ერთ-ერთი რთული და ძალიან ეფექტურიც (ქვემოთ ვიდეოში ნახავთ).

ლივერპულმა, 7 მატჩიდან 6-ის წაგების შემდეგ, გამარჯვება იზეიმა და პრემიერ ლიგის ცხრილში მე-3 ადგილზე აინაცვლა - ლიდერ არსენალთან სხვაობა 7 ქულაა.

არნე სლოტის გუნდი მომდევნო თამაშს, ჩემპიონთა ლიგის ეგიდით, რეალ მადრიდთან სახლში ჩაატარებს, მომავალ უქმეებზე კი მანჩესტერ სიტის ეტიჰადზე ეწვევა.