VIDEO: სენსაციები უიმბლდონზე - რიბაკინა და შვიონტეკი გავარდნენ

უიმბლდონის მოქმედი ჩემპიონი იგა შვიონტეკი ტურნირს მე-3 წრეში გამოეთიშა.

პოლონელი ჩოგბურთელი ფილიპინელ ალექსანდრა ეალასთან 7-6(9), 6-2 დამარცხდა.

შვიონტეკის გასული წლის ტრიუმფმა მრავალწლიანი ეჭვები მის შესაძლებლობებზე ბალახის საფარზე დაასრულა, თუმცა ამჯერად მსოფლიოს მე-3 ნომერი 29-ე განთესილ ეალასთან დაძაბულ დაპირისპირებაში დამარცხდა.

ამასთან, მეორე ნომრად განთესილი ელენა რიბაკინას იმედები, რომ წელს დიდი სლემის მე-2 ტიტულს მოიპოვებდა და მსოფლიო რეიტინგის პირველ ადგილსაც დაიკავებდა, დასრულდა.

ყაზახი ჩოგბურთელი ბელგიელ ელის მერტენსთან მესამე წრეში 7-6(4), 6-1 დამარცხდა.

რიბაკინამ პირველი სეტის ტაიბრეიკის წაგების შემდეგ თამაშის შემოტრიალება ვეღარ შეძლო, ხოლო 25-ე განთესილმა მერტენსმა ინიციატივა სრულად ხელში აიღო და კარიერაში მეოთხედ გავიდა უიმბლდონის მერვედფინალში.

რიბაკინას, რომელმაც 2022 წლის უიმბლდონის ტიტულს წელს ავსტრალიის ღია პირველობის გამარჯვებაც დაამატა, მინიმუმ მეოთხედფინალამდე უნდა მიეღწია, რათა არინა საბალენკასთვის მსოფლიო რეიტინგის ლიდერობა ჩამოერთვა.

ასევე, იტალიელმა, მე-13 ნომრად განთესილმა ჟასმინ პაოლინიმ, საბერძნეთის წარმომადგენელი მარია საკარი 6-1, 6-2 დაამარცხა და მეოთხე წრეში გავიდა, ხოლო საკვალიფიკაციო ეტაპიდან მოსულმა ამერიკელმა ეშლინ კრუგერმა, რომელმაც მარიამ ბოლქვაძეს მოუგო, აშშ-ის დამოუკიდებლობის დღე უკრაინელ დარია სნიგურთან დამაჯერებელი გამარჯვებით აღნიშნა - 6-3, 6-2.