VIDEO: სეზონი გოლით დაიწყო - თოლორდავამ თავისივე მოპოვებული კუთხურისას შეაგდო

ანტონ თოლორდავამ ლიეტუვის ტოპილიგას 2026 წლის სეზონი გოლით დაიწყო.

კაუნო ჟალგირისის ქართველმა მცველმა რიტერიაისთან გასვლით შეხვედრაში 86-ე წუთზე თავური დარტყმით გაათანაბრა, შემდეგ კი მისმა გუნდმა გამარჯვების გოლიც შეაგდო - 2:1.

ცნობისთვის, 29 წლის თოლორდავა გასულ სეზონში ლიეტუვის ჩემპიონი გახდა (30 მატჩში 3 გოლი შეაგდო), 1 კვირის წინ კი ქვეყნის სუპერ თასიც მოიგო. 2004 წელს დაარსებულ კაუნო ჟალგირისს ისტორიაში სულ ეს ორი ტიტული აქვს.

ანტონ თოლორდავა ლიეტუვაში თელავიდან გადავიდა, იქამდე კი ყაზახურ შახტიორ კარაგანდაში თამაშობდა.