VIDEO: შერმადინის ორმაგი დუბლი - ტენერიფემ ზედიზედ მეშვიდე მატჩი მოიგო
28 ოქტ, 2025 · 0 წთ წასაკითხად
-
Aa
+
ფონტის ზომა
გიორგი შერმადინის ლაგუნა ტენერიფემ, ჩემპიონთა ლიგის ეგიდით, თურქული ტოფასის წინააღმდეგ სტუმრად ითამაშა და დიდი სხვაობით გაიმარჯვა - 81:64.
კანარიელთა ქართველი კაპიტანი პარკეტზე ერთ-ერთი საუკეთესო იყო და ერთადერთი მოთამაშე გახდა, რომელმაც ორმაგი დუბლი შეასრულა. 22:52 წუთი ითამაშა - 10 ქულა, 11 მოხსნა და 2 ასისტი.
ტრაპანისა და ბნეი ჰერზილიას დამარცხების შემდეგ, შერმადინის გუნდმა მე-3 მატჩიც მოიგო და ჩემპიონთა ლიგის D ჯგუფს 100%-იანი შედეგით ლიდერობს.
საერთოდ, ტენერიფე შესანიშნავ ფორმაშია და ზედიზედ მე-7 თამაში მოიგო - 4 ჩემპიონატში და 3 ჩემპიონთა ლიგაზე.
ჩემპიონთა ლიგის მომდევნო თამაშს ისევ ტოფასის წინააღმდეგ, უკვე სახლში ჩაატარებენ - 11 ნოემბერს. იქამდე კი, ლიგა ენდესას ეგიდით, ჯერ ბასკონიას ესტუმრებიან (2 ნოემბერს), შემდეგ ბურგოსს მიიღებენ (8 ნოემბერს).
