VIDEO: შოუ ბევრი ლამაზი ეპიზოდით - ბრაზილიამ პანამას 8-გოლიან მატჩში მოუგო
2 სთ წინ · 0 წთ წასაკითხად
-
Aa
+
ფონტის ზომა
ბრაზილიის ნაკრებმა, მსოფლიო ჩემპიონატის დაწყებამდე, მუნდიალის კიდევ ერთ მონაწილე პანამას უმასპინძლა და 6:2 დაამარცხა.
ლეგენდარულ მარაკანაზე გამართულ მატჩში, ლამაზი გოლები და ეპიზოდები უხვად იყო - ვინისიუს ჟუნიორმა გოლი და ასისტი შეასრულა, მეორე ნახევარში რაიანმა, ლუკაშ პაკეტამ, იგორ ტიაგომ (პენალტით) და დანილომაც გაიტანეს.
პანამელებმა ერთხელ მატეუშ კუნიას ავტოგოლით იხეირეს, ბოლოსკენ კი კარლოს ჰარვიმ შორიდან მაგარი გოლი შეაგდო.
სელესაომ შეტევაში თამაში ლუის ენრიკე-რაფინია-ვინისიუსის ტრიოთი დაიწყო, ცენტრფორვარდზე კი მატეუშ კუნია იდგა, პირველი ტაიმის შემდეგ ოთხივე შეიცვალა და მოედანზე რაიანი, ენდრიკი, დანილო და იგორ ტიაგო შევიდნენ.
ბრაზილიის ნაკრები მუნდიალამდე, 7 ივნისის 02:00 საათზე, ეგვიპტეს შეხვდება, შემდეგ კი უკვე უშუალოდ ტუნრირზე მაროკოსთან (14 ივნისის 02:00 საათი), ჰაიტისთან (20 ივნისის 04:30 საათი) და შოტლანდიასთან (25 ივნისის 02:00 საათი) ითამაშებს.
რაც შეეხება პანამას, ისინი ჩემპიონატის დაწყებამდე დომინიკის რესპუბლიკასა და ბოსნიას დაუპირისპირდებიან, აშშ-კანადა-მექსიკის მუნდიალის ჯგუფურ ეტაპზე კი განის, ხორვატიისა და ინგლისის (28 ივნისის 01:00 საათზე) მეტოქეები იქნებიან.
