VIDEO: უმძიმესი გამარჯვება - 10-კაციანმა რეალმა სოსიედადთან საქმე ბოლომდე მაინც მიიყვანა

ლა ლიგის მე-4 ტურში მადრიდის რეალმა სტუმრად სოსიედადი დაამარცხა.

შეხვედრა ლა რეალე არენაზე გაიმართა და სტუმართა გამარჯვებით 2:1 დასრულდა.

ალონსოს გუნდისთვის ეს შეხვედრა ნამდვილ გამოცდად იქცა, რადგან 32-ე წუთიდან მადრიდელებს 10 კაცით მოუწიათ თამაში, მას შემდეგ, რაც ბოლო იმედის ჯარიმისთვის მოედნიდან დინ ჰაუსენი გააძევეს.

10 კაცით დარჩენის მიუხედავად, რეალმა ტაიმი 2-ბურთიანი უპირატესობით მოიგო.

შესვენების შემდეგ ოიარსაბალმა 56-ე წუთზე პენალტი იდეალურად შეასრულა და სოსიედადი თამაშში დააბრუნა, თუმცა მადრიდელებმა მინიმალური უპირატესობა ბოლომდე შეინარჩუნეს და ლა ლიგაში მეოთხე გამარჯვებაც მოიპოვეს.

0-1 მბაპე 12'

0-2 გიულერი 44'

1-2 ოიარსაბალი 56'