VIDEO: US Open-ის ნახევარფინალში ალკარასი და ჯოკოვიჩი შეხვდებიან

ამერიკის ღია პირველობა გადამწყვეტ ფაზაშია.

ცნობილი გახდა თუ ვინ შეხვდებიან ერთმანეთს პირველ ნახევარფინალურ მატჩში.

მეოთხედფინალში კარლოს ალკარასმა 3 სეტში დაამარცხა ჟირი ლეჰეჩკა (6-4, 6-2, 6-4) და მომდევნო ეტაპზე გავიდა.

2008 წლის შემდეგ ესპანელი გახდა ყველაზე ახალგაზრდა კაცი ჩოგბურთელი, რომელიც გრანდ სლემის ნახევარფინალში სეტის წაუგებლად გავიდა. მაშინ ეს რაფა ნადალმა შეძლო.

სულ კი 22 წლის ალკარასი სლემის ნახევარფინალში მეცხრედ გავიდა. ამ ასაკში ამაზე უკეთესი შედეგი მხოლოდ რაფა ნადალსა და ბორის ბეკერს ჰქონდათ (10).

კარლოსის მეტოქე ნახევარფინალში ნოვაკ ჯოკოვიჩი იქნება, რომელმაც ტეილორ ფრიცს 4 სეტში (6-3, 7-5, 3-6, 6-4) მოუგო.

38 წლის სერბი გახდა ყველაზე ხანდაზმული ჩოგბურთელი, რომელმაც ოთხივე გრანდ სლემის ნახევარფინალში გასვლა მოახერხა.

ჯოკოვიჩი ალკარასს ურთიერთშეხვედრებში უგებს (5-3). მან მათი 2 ბოლო დაპირისპირება მოიგო - პარიზის ოლიმპიადაზე და ავსტრალიის ღია პირველობაზე.

ნოვაკმა კარლოსს ჰარდის საფარზე სამივე შეხვედრა მოუგო, თუმცა ალკარასი ახლა მისი კარიერის ყველაზე სტაბიურ ჩოგბურთს თამაშობს. მან ბოლო 36 მატჩიდან 35 მოიგო, ის ერთი მატჩი კი მსოფლიოს პირველ ნომერ იანიკ სინერთან წააგო უიმბლდონის ფინალში.

სერბისა და ესპანელის დაპირისპირება 5 სექტემბერს გაიმართება.