VIDEO: ზედიზედ მე-7 მოგება - გიორბელიძის გუნდი ლიდერს 1 ქულით ჩამორჩება

გურამ გიორბელიძის ერზურუმსპორმა თურქეთის პირველ ლიგაში ზედიზედ მე-7 მატჩი მოიგო. სტუმრად ერთ-ერთ აუტსაიდერ საქარიასპორს აჯობეს - 1:0.

ქართველი მარცხენა მცველი ტრადიციულად ძირითადში იყო და სრულად ითამაშა - ერთადერთი ტურის გარდა, როცა დისკვალიფიცირებული იყო, 23-ვე თამაში თავიდან ბოლომდე აქვს ნათამაშები.

24 ტურის შემდეგ, ერზურუმსპორს 13 მოგება, 9 ფრე, 2 წაგება აქვს, შესაბამისად, 48 ქულა და ლიდერ ამედსპორს 1 ქულით ჩამორჩება. ზედა ლიგაში 2 გუნდი პირდაპირ ადის - ერზურუმელები მე-3 ადგილოსან ეროკსპორს - 1-ით, ხოლო მე-4 ადგილოსან ბოდრუმსპორს 6 ქულით უსწრებენ.

გიორბელიძის გუნდი მომდევნო ტურში, 14 თებერვალს, შეხვდება ბოლოადგილოსან ადანა დემირსპორს, რომელსაც 24 ტურში 2 ფრე და 22 წაგება აქვს.