ვინისიუს ჟუნიორს რეალის იმ ფეხბურთელებს შორის, რომლებმაც XXI საუკუნეში მინიმუმ 10 პენალტი დაარტყეს, რეალიზაციის ყველაზე დაბალი პროცენტი აქვს.
ბრაზილიელმა თერთმეტმეტრიანი ჩემპიონთა ლიგის 1/8 ფინალში, მანჩესტერ სიტისთან მატჩში (3:0) ვერ გაიტანა — მისი დარტყმული ჯანლუიჯი დონარუმამ მოიგერია.
ეს ვინისიუსისთვის „სამეფო კლუბის“ მაისურით შესრულებული მე-14 პენალტი იყო, საიდანაც მეოთხე ვერ გამოიყენა — სიზუსტის მაჩვენებელი 71,4%-ს შეადგენს. აღსანიშნავია, რომ ბოლო შვიდი მცდელობიდან მან მხოლოდ სამი გოლის გატანა შეძლო.
2000/01 წლების სეზონიდან მოყოლებული, რეალის შვიდმა ფეხბურთელმა დაარტყა სულ მცირე ათი პენალტი. ყველაზე ზუსტი სერხიო რამოსი აღმოჩნდა — 22 გოლი და მხოლოდ ერთი აცილება (95,6%). მას მოსდევს კრიშტიანუ რონალდუ — 13 აცილება / 79 ზუსტი დარტყმა (87,7%), ხოლო სამეულს კარიმ ბენზემა კეტავს — 5 აცილება / 32 გოლი (86,4%).
საუკეთესო შვიდეულში ასევე შედიან:
ლუიშ ფიგუ (6 აცილება / 31 გოლი, 83,7%)
კილიან მბაპე (4 აცილება / 19 გოლი, 82,6%)
რუდ ვან ნისტელროი (4 აცილება / 11 გოლი, 73,3%).
