ხორვატიის დედაქალაქ ზაგრებში ბერძნულ-რომაულ ჭიდაობაში გამართულ სარეიტინგო სერიის ტურნირზე, ნიკა ბროლაძემ საპრიზო ადგილი დაიკავა.
72 კგ. წონით კატეგორიაში, ბროლაძემ ფინალამდე ინდოელ, ამერიკელ და უზბეკ სპორტსმენებს მოუგო, გადამწყვეტ შეხვედრაში კი ეგვიპტელ მუსტაფა ალამელდინთან დამარცხდა და ვერცხლის მედალს დაეუფლა.
საქართველოს ბერძნულ-რომაული სტილით მოჭიდავეთა ნაკრებისთვის მიმდინარე ტურნირზე მეორე მედალია - დიეგო ჩხიკვაძემ (67 კგ.) ასევე ვერცხლის მედალი მოიპოვა.
