ზედიზედ მესამედ - ალკარასი და სინერი გრანდ სლემის ფინალში შეხვდებიან

ამერიკის ღია პირველობაზე ფინალური წყვილი გაირკვა.

პირველ ნახევარფინალურ მატჩში კარლოს ალკარასმა ნოვაკ ჯოკოვიჩი 3 სეტში დაამარცხა.

ალკარასმა ჯოკოვიჩს მოუგო და US Open-ის ფინალში გავიდა

მეორე ნახევარფინალურ დაპირისპირებაში კი რეიტინგის პირველმა ნომერმა, იანიკ სინერმა კანადელ ფელიქს ოჟე-ალიასიმს 4 სეტში (6-1, 3-6, 6-3, 6-4) აჯობა.

იანიკმა ჰარდის საფარზე ზედიზედ 27-ე მატჩი მოიგო და ამ შედეგით ნოვაკ ჯოკოვიჩს გაუთანაბრდა. რეკორდი როჯერ ფედერერს ეკუთვნის, რომელსაც ზედიზედ 40 მატჩი აქვს მოგებული. იტალიელი ჩოგბურთელი ზედიზედ მეხუთე გრანდ სლემის ფინალში გავიდა.

ალკარასი და სინერი კი ამ წელს ერთმანეთს ზედიზედ მე-3 გრანდ სლემის ფინალში შეხვდებიან. ღია ეპოქაში პირველად ხდება, როცა ერთი და იგივე ორი მოთამაშე ერთ სეზონში სამი გრანდ სლემის ფინალში გადიან.

როლან გაროსის ფინალში საოცარი ქამბექის შემდეგ ალკარასმა სინერი 5-სეტიან ბრძოლაში დაამარცხა, უიმბლდონზე კი იტალიელმა რევანშის აღება შეძლო.

იანიკ სინერი ღია ეპოქაში გახდა მე-4 კაცი, რომელიც ერთ სეზონში ოთხივე გრანდ სლემის ფინალში გავიდა.

როდ ლეივერი - 1969

როჯერ ფედერერი - 2006, 2007, 2009

ნოვაკ ჯოკოვიჩი - 2015, 2021, 2023

იანიკ სინერი - 2025

24 წლის იტალიელი ყველაზე ახალგაზრდაა, ვინც ეს შედეგი დააფიქსირა.

სინერისა და ალკარასის მატჩი 7 სექტემბერს, 22:00 საათზე გაიმართება.