პირველი წაგებული სეტი - სინერი ტიტულის დაცვისკენ გზას აგრძელებს

მსოფლიო რეიტინგის ლიდერმა იანიკ სინერმა ავსტრალიან ოუფენზე მეორე რაუნდის ბარიერი გადალახა.

იტალიელი ჩოგბურთელის მეტოქე ავსტრალიელი ტრისტან შულქეითი იყო, რომელმაც მოახერხა და ტურნირის მოქმედ ჩემპიონს პირველი სეტი 6:4 მოუგო.

თუმცა, ამის შემდეგ სინერმა ძალები მოიკრიბა და სამი მომდევნო სეტის მოგება 6:4 6:1 6:3 შეძლო.

ჯამში თამაში 2 საათსა და 50 წუთს გაგრძელდა და სინერმა მესამე რაუნდის საგზური მოიპოვა, სადაც ამერიკელ დავიდ გირონს დაუპირისპირდება.