დღეს სანტიაგო ბერნაბეუზე კილიან მბაპეს პრეზენტაცია გაიმართა.
ფრანგმა სუპერვარსკვლავმა პირველად შეაბიჯა ლეგენდარულ სტადიონზე და სამეფო კლუბის ფორმაც მოირგო. პრეზენტაციამ სრული ანშლაგით ჩაიარა. ღონისძიებას 85 ათასამდე გულშემატკივარი დაესწრო.
კილიან მბაპეს წარდგენას რეალის წარმომადგენლები და მისი ოჯახის წევრები დაესწრნენ. ფლორენტინო პერესმა სცენაზე ლეგენდარული ზინედინ ზიდანი და ხოსე პირი მიიწვია.
ფრანგმა შემტევმა ბერნაბეუზე მისულ გულშემატკივრებს მიმართა და როგორც თავის დროზე კრიშტიანუ რონალდუმ, ბოლოს თავისი სიტყვაც ისე დაასრულა: "1, 2, 3... ჰალა მადრიდ!"
შეგახსენებთ, რომ მბაპე რეალს თავისუფალი აგენტის სტატუსით შეუერთდა. მან 9-ნომრიანი მაისური მოირგო.
