VIDEO: 45 წლის ვენუს უილიამსი კორტს მოგებით დაუბრუნდა

აშშ-ის დედაქალაქ ვაშინგტონში ჩოგბურთის 500-ქულიანი ტურნირი დაიწყო.

პირველ რაუნდში კორტზე 45 წლის ვენუს უილიამსის დაბრუნება ვიხილეთ.

ვენუსმა 2024 წლის მარტის შემდეგ პირველი მატჩი ჩაატარა და რეიტინგის 35-ე ნომერ პეიტონ სტერნს დაუპირისპირდა. უილიამსმა 23 წლის მეტოქე 2 სეტში (6-3, 6-4 დაამარცხა) და მომდევნო ეტაპზე გავიდა.

ვეტერანმა ამერიკელმა მატჩში 9 ეისი მიითვალა და 2023 წლის აგვისტოს შემდეგ პირველი გამარჯვება ჩაიწერა აქტივში.

ვენუსი მომდევნო ეტაპზე პოლონელ მაგდალენა ფრეჩს შეხვდება, რომელიც რეიტინგში 24-ე ნომერია.