ინგლისის პრემიერ ლიგის მე-14 ტურში ფულემმა ქრეივენ კოტეჯზე მანჩესტერ სიტი მიიღო.
შეხვედრაში ანგარიში მე-17 წუთზე ერლინგ ჰალანდმა გახსნა, რომელმაც პრემიერ ლიგაში თავისი მე-100 გოლი გაიტანა.
37-ე წუთზე სხვაობა ორამდე ტიჯანი რეინდერსმა გაზარდა, 44-ე წუთზე კი ფილ ფოდენმა 0-3 გახადა ანგარიში, ტაიმის კომპენსირებულ დროში კი მასპინძელთა მხრიდან ემილ სმიტ როუმ ერთი ბურთი გაქვითა.
მეორე ტაიმის სტარტზე სტუმრებმა კიდევ 2 გოლი გაიტანეს, 48-ე წუთზე ფოდენმა დუბლი შეასრულა, აქედან 6 წუთში კი ბერგის ავტოგოლით ანგარიში 1-5 გახდა და თითქოს ყველაფერი გადაწყდა, თუმცა ფულემმა გაიბრძოლა.
57-ე წუთზე ალექს აივობიმ გამოიჩინა თავი, 72-ე და 78-ე წუთებზე გატანილი გოლებით კი სამუ ჩუკვუეზემ შეასრულა დუბლი და სიტუაცია დაძაბა (4-5).
მატჩის დარჩენილ დროში მასპინძლებმა ანგარიშის გათანაბრება ვეღარ მოახერხეს და 9-გოლიან თრილერში 3 ქულა მანჩესტერ სიტის დარჩა.
პეპ გვარდიოლას გუნდს 28 ქულა დაუგროვდა და ლაივ ცხრილში ლიდერ არსენალს 2 ქულით ჩამორჩება.
