VIDEO: 9 ქულა 9 წამში - სარგიუნასი ტრეისი მაკგრეიდის როლში

კალათბურთში მსოფლიო ჩემპიონატის საკვალიფიკაციო ეტაპის მატჩში დიდი ბრიტანეთი ლიეტუვას დაუპირისპირდა და დაძაბულ ბრძოლაში 88-89 დამარცხდა.

ბრიტანელებს შეხვედრის მოგება შეეძლოთ, თუმცა ლიეტუველებმა თამაშის ბოლო წამებზე სასწაული ჩაიდინეს და გამარჯვება მოიპოვეს.

მატჩის გმირი იგნას სარგიუნასი გახდა, რომელმაც ბოლო 10 წამში სამი სამქულიანი ჩააგდო. ლიეტუველმა პირველი სამიანი მაშინ ჩააგდო, როცა ჩამორჩენა 7 ქულა იყო, შემდეგ ხუთქულიანი ჩამორჩენისას შეძლო სხვაობის შემცირება.

მატჩის მომგები სამიანი კი არგიუნასმა სირენასთან ერთად ჩააგდო და ლიეტუვას მნიშვნელოვანი მოგება გაუფორმა. ჯამში ლიეტუველთა გამთამაშებელმა 27 ქულა მიითვალა, მისი 8 სამქულიანიდან ზუსტი 4 იყო, მათ შორის 3 ბოლო 10 წამში.