VIDEO: ახალ სტადიონზე ინტერ მაიამის პირველი გოლი მესიმ გაიტანა

ინტერ მაიამიმ 26,700 მაყურებელზე გათვლილი ახალი სტადიონი Nu Stadium გახსნა, რომელიც ლეო მესის ტრიბუნასაც მოიცავს.

ახალი სტადიონის გახსნით მატჩში ინტერ მაიამი ოსტინს დაუპირისპირდა. სტადიონის ისტორიაში პირველი გოლი სტუმრებმა გაიტანეს, კერძოდ გილერმე ბირომ, რომელმაც მე-6 წუთზე ანგარიში გახსნა.

ინტერ მაიამის პირველი გოლი კი ლიონელ მესის ანგარიშზეა, რომელმაც ანგარიში მე-10 წუთზე გაათანაბრა.

საბოლოოდ მატჩი 2-2 დასრულდა, სტუმრები წინ ჯეიდენ ნელსონმა 53-ე წუთზე გაიყვანა, 81-ე წუთზე კი მაიმის ქულა ლუის სუარესმა მოუპოვა.

6 მატჩში მოპოვებული 11 ქულით ინტერ მაიამი MLS-ის აღმოსავლეთ კონფერენციაში მე-4 ადგილზეა.