VIDEO: ბოლივიამ ბრაზილიას მოუგო და პლეიოფის საგზური მოიპოვა
10 სექ, 2025 · 0 წთ წასაკითხად
-
Aa
+
ფონტის ზომა
სამხრეთ ამერიკაში 2026 წლის მსოფლიო ჩემპიონატის საკვალიფიკაციო ეტაპი დასრულდა.
ბოლო ტურის წინ ის 6 გუნდი, რომელმაც მუნდიალის საგზური პირდაპირ მოიპოვა, ცნობილი იყო, ერთადერთი გასარკვევი იყო პლეიოფის საგზურის მფლობელი, რომელიც ბოლივიასა და ვენესუელას შორის უნდა გარკვეულიყო.
ბოლივიამ საკუთარ კედლებში ბრაზილია მიიღო და 1-0 დაამარცხა, ვენესუელა კი კოლუმბიასთან უხვგოლიან შეხვედრაში 3-6 დამარცხდა.
ბოლივიელთა მხრიდან ერთადერთი გოლი მიგელიტომ გაიტანა პენალტის საშუალებით, ვენესუელას კი პოკერი ლისაბონის სპორტინგის თავდამსხმელმა, ლუის სუარესმა შეუსრულა.
შესაბამისად პლეიოფის საგზური ბოლივიამ მოიპოვა, რომელიც 1994 წლის შემდეგ პირველ მსოფლიო ჩემპიონატზე მოსახვედრად იბრძოლებს.
სამხრეთ ამერიკიდან მომავალი წლის მუნდიალზე განაღდებულად ეს გუნდები ითამაშებენ - არგენტინა, ეკვადორი, კოლუმბია, ურუგვაი, ბრაზილია და პარაგვაი.
