VIDEO: ბოლო წუთზე მოგება - ატლეტიკომ სევილიას თამაში მოუტრიალა

ესპანეთის ლა ლიგის 30-ე ტურში სევილიამ სანჩეს პისხუანზე ატლეტიკო მიიღო. 

შეხვედრაში ანგარიში მასპინძლებმა მე-7 წუთზე გახსნეს. გოლი ლუსიენ აგუმემ გაიტანა.

25-ე წუთზე კონორ გალაჰერის წაქცევის გამო დანიშნული პენალტი გოლად ხულიან ალვარესმა აქცია და ანგარიში გაათანაბრა.

გუნდები ახლოს იყვნენ ქულების გაყოფასთან, თუმცა მატჩის კომპენსირებულ დროში, 93-ე წუთზე პაბლო ბარიოსმა როხიბლანკოს სოლო-გოლით 3 ქულა მოუტანა.

სიმეონეს გუნდს ამ გამარჯვების შემდეგ 60 ქულა აქვს და მე-3 ადგილზე იმყოფება, მეორეადგილოსან რეალთან ჩამორჩენა 3 ქულაა, ლიდერ ბარსელონასთან კი - 7.

7' აგუმე 1-0

25' ალვარესი 1-1

90+3' ბარიოსი 1-2