გერმანიის ბუნდესლიგის 31-ე ტურში ჰაიდენჰაიმი საკუთარ მოედანზე ზანკტ პაულის დაუპირისპირდა.
შეხვედრაში ანგარიში სწრაფი გოლით გაიხსნა. მე-3 წუთზე მასპინძლები ბუდუ ზივზივაძემ დააწინაურა, რომელმაც გოლი ზედიზედ მე-3 მატჩში გაიტანა. ქართველმა თავდამსხმელმა უნიონ ბერლინისა და ფრაიბურგის შემდეგ ზანკტ პაულის კარიც აიღო.
ჰაიდენჰაიმმა საბოლოოდ 2-0 იმარჯვა და ცხრილში 22 ქულა დაუგროვდა, თუმცა კვლავ ბოლო ადგილზეა. პლეიაუტის ზონაში მყოფ ზანკტ პაულისთან ჩამორჩენა 4 ქულაა.
