VIDEO: ბუკერმა თამაში მოიგო - ფინიქსის 18-ქულიანი ქამბექი ოკლაჰომასთან

NBA-ის რეგულარული სეზონის მატჩში ფინიქს სანსი ოკლაჰომა სიტი თანდერს დაუპირისპირდა და დაძაბულ ბრძოლაში 108-105 დაამარცხა.

გამარჯვებულ გუნდს ქულებში ჯორდან გუდვინმა ულიდერა, რომელმაც 26 ქულა მიითვალა, ოკლაჰომადან კი საუკეთესო შაი გილჯეს-ალექსანდერი იყო 25 ქულით.

შეხვედრის გმირი კი დევინ ბუკერი გახდა, რომელმაც ბოლო წამზე გადამწყვეტი სამქულიანი ჩააგდო და ფინიქსს მატჩი მოაგებინა. ბუკერმა საბოლოო ჯამში 24 ქულა, 6 მოხსნა და 9 შედეგიანი გადაცემა დააგროვა, ფინიქსმა კი 18-ქულიანი ჩამორჩენა აღმოფხვრა და თამაში მოიგო.

ოკლაჰომამ ამ სეზონში მე-6 მატჩი წააგო, 36 შეხვედრაში 30 გამარჯვებით კი დასავლეთ კონფერენციას დამაჯერებლად ლიდერობს.

ფინიქს სანსმა კი ბოლო 7 თამაშიდან მე-6 მოიგო და ჯამში 35 მატჩში 21 გამარჯვებით დასავლეთ კონფერენციაში მე-7 ადგილს იკავებს.