VIDEO: დრამატული მადრიდული დერბი - ატლეტიკომ ბოლო წუთებზე წააგო
09 მარ, 2025 · 0 წთ წასაკითხად
ლინკის დაკოპირება
-
Aa
+
ფონტის ზომა
ესპანეთის ლა ლიგის 27-ე ტურში მადრიდული დერბი გაიმართა, სადაც ხეტაფემ კოლიზეუმზე ატლეტიკო მიიღო.
მატჩის პირველი ტაიმი უგოლოდ დასრულდა, მთავარი მოვლენები კი შეხვედრის მეორე ნახევარში განვითარდა.
75-ე წუთზე როხიბლანკო ალექსანდერ სორლოტის პენალტით დაწინაურდა. სიმეონეს გუნდი გამარჯვებასთან ახლოს იყო, თუმცა 88-ე წუთზე ყველაფერი შეიცვალა.
ჯერ ანხელ კორეამ მიიღო პირდაპირ წითელი ბარათი, რამდენიმე წამში კი მაურო არამბარიმ გაათანაბრა ანგარიში. კომპენსირებულ დროში არამბარიმ უკვე დუბლი შეასრულა და ხეტაფეს 3 ქულა მოუპოვა, ატლეტიკო კი ამ მატჩში უქულოდ დარჩა.
სიმეონეს შეგირდებს გამარჯვების შემთხვევაში შეეძლოთ ბარსელონასთვის გადაესწროთ, თუმცა მათთან ჩამორჩენა კვლავ 1 ქულა რჩება.
