VIDEO: ჰალანდისა და მარტინელის გოლები - არსენალმა ქულა ბოლო წუთზე მოიპოვა

ინგლისის პრემიერ ლიგის მე-5 ტურში არსენალმა ემირეითსზე მანჩესტერ სიტი მიიღო.

შეხვედრაში ანგარიში მე-9 წუთზე ერლინგ ჰალანდმა გახსნა და სიტიმ პირველი ტაიმი 0-1 მოიგო.

გვარდიოლას გუნდი 3 ქულის მოპოვებასთან ახლოს იყო, თუმცა მეორე ტაიმის კომპენსირებულ დროში ებერეჩი ეზეს კარგი პასის შემდეგ გაბრიელ მარტინელიმ ეფექტურად მოახერხა ჯანლუიჯი დონარუმას კარის აღება და ანგარიში გაათანაბრა.

არსენალს ამ ქულის მოპოვებით 5 ტურის შემდეგ 10 ქულა დაუგროვდა და სატურნირო ცხრილში მე-2 ადგილზეა, მანჩესტერ სიტიმ კი მნიშვნელოვანი ქულები დაკარგა და 7 ქულით მე-9 პოზიციას იკავებს.

მომდევნო ტურში არსენალი ნიუკასლს ესტუმრება, სიტი კი ეტიჰადზე ბარნლის მიიღებს.

9' ჰალანდი 0-1

90+3' მარტინელი 1-1