ესპანეთის ლა ლიგის 31-ე ტურში ვალენსიამ მესტალიაზე სევილია მიიღო. ტრადიციულად ღამურების კარს გიორგი მამარდაშვილი იცავდა.
მასპინძლებმა მინიმალური სხვაობით, 1-0 იმარჯვეს. მატჩის ერთადერთი გოლი პირველი ტაიმის ბოლო წუთზე ხავი გერამ გაიტანა.
მორიგი გამორჩეული თამაში ჰქონდა ქართველ მეკარეს, რომელმაც 5 მოგერიება დააგროვა და კარი მშრალად შეინახა. გიორგიმ Sofascore-სგან მატჩის საუკეთესო შეფასება (8.2) დაიმსახურა.
ამ გამარჯვებით ვალენსიამ 37 ქულა დააგროვა და სატურნირო ცხრილში სწორედ სევილიას გაუსწრო, ახლა ღამურები მე-12 ადგილზე არიან.
გთავაზობთ მამარდაშვილის გამორჩეულ მოგერიებას დღევანდელი მატჩიდან.
