ახლად დაწყებული აფრიკის თასის პირველ ტურში ეგვიპტის ნაკრები ზიმბაბვეს დაუპირისპირდა.
შეხვედრაში ანგარიში ზიმბაბვემ გახსნა. მე-20 წუთზე გოლი პრინც დუბემ გაიტანა და თავის გუნდს პირველი ტაიმი მოაგებინა.
თუმცა ეგვიპტელებმა მეორე ტაიმში თამაშის მოტრიალება შეძლეს. 64-ე წუთზე ომარ მარმუშმა გაათანაბრა ანგარიში.
მატჩის კომპენსირებულ დროში (90+1) კი გამარჯვების გოლი მოჰამედ სალაჰმა გაიტანა და თავის გუნდს ტურნირზე პირველი შეხვედრა მოაგებინა.
ჯგუფის მეორე მატჩში სამხრეთ აფრიკამ ანგოლა 2-1 დაამარცხა. შემდეგ ტურში ეგვიპტე სწორედ ბაფანა ბაფანას დაუპირისპირდება. შეხვედრა 26 დეკემბერს შედგება.
