VIDEO: მილანმა სან სიროზე ნაპოლი დაამარცხა და ცხრილში გალიდერდა
3 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
იტალიის სერია ა-ს მე-5 ტურში მილანმა სან სიროზე ნაპოლი მიიღო.
მატჩში ანგარიში სწრაფი გოლით გაიხსნა. მე-3 წუთზე მასპინძლები ალექსის სალემაკერსმა დააწინაურა. 31-ე წუთზე სხვაობა ორამდე კრისტიან პულიშიჩმა გაზარდა და მილანმა პირველი ტაიმი 2-0 მოიგო.
57-ე წუთზე პერვის ესტუპინიანმა წითელი ბარათი მიიღო და როსონერი კაცნაკლული დარჩა, მე-60 წუთზე კი კევინ დე ბრუინმა პენალტი ზუსტად შეასრულა და სხვაობა შეამცირა.
შეხვედრის დარჩენილ ნაწილში იტალიის მოქმედმა ჩემპიონმა რიცხობრივი უპირატესობით ვერ ისარგებლა და მასიმილიანო ალეგრის გუნდმა თამაში ბოლომდე თავის სასარგებლოდ მიიყვანა.
მილანმა ნაპოლის სერია ა-ს მიმდინარე სეზონში პირველი მარცხი აგემა და ქულებით გაუთანაბრდა კიდეც. 5 ტურის შემდეგ მილანს, ნაპოლისა და რომას 12-12 ქულა აქვთ და სატურნირო ცხრილს ლიდერობენ.
