ახალი სეზონისთვის მზადების პროცესში, მადრიდის რეალმა დახურულ კარს მიღმა ლეგანესთან გამართა ამხანაგური მატჩი.
მატჩი რეალის გამარჯვებით 4-1 დასრულდა. სამეფო კლუბის რიგებში გოლები ბრაჰიმმა, ჰაუსენმა, მილიტაომ და ახალგაზრდა პიტარჩმა გაიტანეს.
მოგვიანებით, ედერ მილიტაომ საკუთარი გოლის ვიდეო თავად გაავრცელა. ბრაზილიელმა მცველმა ლეგანესის კარი საკუთარი ნახევრიდან დარტყმულით აიღო.
