VIDEO: ნაპოლის მოტრიალებული თამაში ვერონასთან და მოპოვებული ქულა

იტალიის სერია ა-ს მე-19 ტურში ნაპოლიმ სტადიო დიეგო არმანდო მარადონაზე ვერონა მიიღო.

სტუმრებმა პირველ ტაიმში ორბურთიანი უპირატესობა მოიპოვეს. მე-16 წუთზე ანგარიში მარტინ ფრესემ გახსნა, 27-ე წუთზე კი გიფტ ორბანმა პენალტი შეასრულა ზუსტად.

მეორე ტაიმში ვერონამ უპირატესობის შენარჩუნება ვერ შეძლო. 54-ე წუთზე სკოტ მაკტომინეიმ გაქვითა ერთი ბურთი, ხოლო 82-ე წუთზე ჯოვანი დი ლორენცომ გაათანაბრა ანგარიში.

ნაპოლიმ თამაშის მოტრიალება და ქულის მოპოვება შეძლო, თუმცა მაინც მნიშვნელოვანი ქულები დაკარგა.

სერია ა-ს ლაივ ცხრილში ანტონიო კონტეს გუნდი 38 ქულით მე-3 ადგილზეა, მე-2 პოზიციაზე მყოფ მილანსაც ამდენივე ქულა აქვს, თუმცა როსონერის ამ ტურში ჯენოასთან აქვს სათამაშო.