იტალიის სუპერ თასის ფინალში, რომელიც საუდის არაბეთში გაიმართა, სკუდეტოს მოქმედი მფლობელი ნაპოლი იტალიის თასის გამარჯვებულ ბოლონიას დაუპირისპირდა.
შეხვედრაში ანგარიში 39-ე წუთზე გაიხსნა. ნაპოლი დავიდ ნერეშმა დააწინაურა და კონტეს გუნდს პირველი ტაიმი მოაგებინა.
57-ე წუთზე ბრაზილიელმა შემტევმა უკვე დუბლი შეასრულა და საბოლოოდ პარტენოპეის იტალიის სუპერ თასიც მოუპოვა.
ნაპოლი სუპერკოპა იტალიანას გამარჯვებული ისტორიაში მესამედ გახდა. გუნდმა ეს 1990 და 2014 წლებში მოახერხა.
39' ნერეში 1-0
57' ნერეში 2-0
