VIDEO: ორლანდომ ვაშინგტონს მოუგო - ბითაძემ 9 ქულა მიითვალა

NBA-ის რეგულარული სეზონის მატჩში ორლანდო მეჯიქი ვაშინგტონ უიზარდსს დაუპირისპირდა და 126-109 დაამარცხა.

სათამაშო დრო მიეცა გოგა ბითაძეს, რომელმაც პარკეტზე 21 წუთზე მეტი გაატარა და ამ დროში 9 ქულა, 6 მოხსნა და 2 შედეგიანი გადაცემა მიითვალა. ქართველმა ცენტრმა 3-დან 2 ორქულიანი და 3-დან 2 საჯარიმო ჩააგდო.

გამარჯვებულ გუნდს ქულებში პაოლო ბანჩერომ ულიდერა, რომლის ანგარიშზეც 37 ქულა, 5 მოხსნა და 6 შედეგიანი გადაცემა იყო.

60 მატჩში 32 მოგებით ორლანდო აღმოსავლეთ კონფერენციაშ მე-7 ადგილზეა და პლეი-ინის ზონაშია.

გოგა ბითაძემ ორლანდოს ბოლო 10 მატჩიდან მხოლოდ მეორეში მიიღო მონაწილეობა, რაზეც მეჯიქის მთავარმა მწვრთნელმა, ჯამალ მოსლიმ კომენტარი გააკეთა.

„ეს არის მიზეზი, რატომაც გოგა ბითაძე ნამდვილი პროფესიონალია. ის ზუსტად გამოხატავს იმას, რაც უნდა მოხდეს, როცა შენს ნომერს იძახიან."