VIDEO: პარი სენ-ჟერმენმა ლილი გაანადგურა - კვარაცხელია შეცვლაზე შემოვიდა

საფრანგეთის ლიგა 1-ის 24-ე ტურში პარი სენ-ჟერმენმა პარკ დე პრენსზე ლილს უმასპინძლა. მატჩი სათადარიგო სკამიდან დაიწყო ხვიჩა კვარაცხელიამ.

პარიზელებმა მატჩის ბედი პირველივე ტაიმში გადაწყვიტეს. მე-6 წუთზე ანგარიში ბრედლი ბარკოლამ გახსნა, 22-ე წუთზე მარკინიოსმა გაზარდა ორამდე სხვაობა.

28-ე წუთზე უსმან დემბელემ მოახერხა თავისი მე-18 გოლის გატანა ლიგა 1-ში, 37-ე წუთზე კი თავი დეზირე დუემაც გამოიჩინა და ანგარიში გამანადგურებელი გახადა.

მეორე ტაიმში ლილმა პრესტიჟის გოლის გატანა მოახერხა. მე-80 წუთზე ჯონათან დევიდმა გახადა ანგარიში 4-1 და შეხვედრის საბოლოო შედეგიც დააფიქსირა.

ხვიჩა კვარაცხელია თამაშში 63-ე წუთზე უსმან დემბელეს ნაცვლად ჩაერთო, როცა უკვე მატჩის ბედი გადაწყვეტილი იყო.

პსჟ 59 ქულით სატურნირო ცხრილს სათავეში დამაჯერებლად უდგას, მეორეადგილოსან მარსელთან სხვაობა 13 ქულაა.

6' ბარკოლა 1-0

22' მარკინიოსი 2-0

28' დემბელე 3-0

37' დუე 4-0

80' დევიდი 4-1