ფიფას მსოფლიო საკლუბო ჩემპიონატზე პირველი მერვედფინალური მატჩი გაიმართა.
გულშემატკივარმა ბრაზილიური დუელი იხილა, სადაც ერთმანეთს პალმეირასი და ბოტაფოგო დაუპირისპირდნენ.
მატჩის ძირითადი დრო უგოლოდ დასრულდა და დამატებითი ტაიმები დაინიშნა, სადაც გამარჯვებული ერთმა გოლმა გამოავლინა.
მე-100 წუთზე გოლი პაულინიომ გაიტანა და პალმეირასი 1/4 ფინალში გაიყვანა.
მომდევნო ეტაპზე ბრაზილიური გუნდის მეტოქე ბენფიკასა და ჩელსის შორის გამარჯვებული იქნება.
