როლან გაროსის მე-2 წრის შეხვედრაში მსოფლიო რეიტინგის ლიდერმა, იანიკ სინერმა კორტების მასპინძელი, ვეტერანი რიშარ გასკე დაამარცხა, რომელიც კარიერის ბოლო ტურნირს ატარებდა.
შეხვედრა 1 საათსა და 59 წუთს გაგრძელდა და სინერის გამარჯვებით 6:3 6:0 6:4 დასრულდა - ეს მატჩი გასკეს კარიერაში უკანასკნელი აღმოჩნდა.
გასკეს 23-წლიანი კარიერა გამოუვიდა, რომლის განმავლობაშიც მან 610 მატჩი მოიგო და 408-ჯერ დამარცხდა. ყველაზე მაღალი პოზიცია მას 2009 წელს ეკავა (7), ერთეულთა თანრიგში ფრანგმა 16 ტიტულის მოგება მოახერხა.
გრენდ სლემებზე გასკეს საუკეთესო შედეგი ნახევარფინალი იყო, რომელიც მან უიმბლდონზე (ორჯერ) და ამერიკის ღია პირველობაზე დააფიქსირა. ასევე იყო გაროსის მეოთხედფინალი, ავსტრალიაში კი საუკეთესო შედეგი მე-4 წრე ჰქონდა (4-ჯერ).
2012 წლის ლონდონის ოლიმპიადაზე გასკემ წყვილთა თანრიგში ჟულიენ ბენეტოსთად ერთად ბრინჯაოს მედალი მოიგო.
მასტერსების ტურნირებზე გასკე სამჯერ გავიდა ფინალამდე, თუმცა სამივეჯერ დამარცხდა.
