ვიდეო: ტიტანების ჯახი ოლიმპიადამდე - სერბეთმა საფრანგეთი დაამარცხა

პარიზის 2024 წლის ოლიმპიადის დაწყებამდე საკალათბურთო ნაკრებები მზადების პროცესს გადიან და ამხანაგურ მატჩებს მართავენ.

მორიგ შეხვედრაში ერთმანეთს ოლიმპიადის მასპინძელი საფრანგეთი და სერბეთი დაუპირისპირდნენ.

თამაში სერბების გამარჯვებით 67-79 დასრულდა. გამარჯვებული გუნდიდან გამორჩეული დენვერ ნაგეთსის ვარსკვლავი ნიკოლა იოკიჩი იყო, რომელმაც ორმაგი დუბლი მიითვალა - 20 ქულა, 12 მოხსნა. მასთან ერთად სერბების მოგებაში წვლილი შეიტანა ბოგდან ბოგდანოვიჩმაც, რომელმაც 15 ქულა ჩაიწერა აქტივში.

რაც შეეხება საფრანგეთს, აქ ლიდერი სან ანტონიო სპურსის ახალწვეული ვიქტორ ვემბანიამა იყო, რომელმაც იოკიჩის მსგავსად ორმაგი დუბლი დააფიქსირა - 14 ქულა, 10 მოხსნა.

სერბები ოლიმპიადამდე კიდევ ორ ამხანაგურ მატჩს - ავსტრალიისა და აშშ-ს წინააღმდეგ ჩაატარებენ.

პარიზის ოლიმპიადაზე საკალათბურთო ტურნირის ყველა მონაწილე გაირკვა