პარიზის მოახლოებული ოლიმპიადის საკალათბურთო ტურნირის საკვალიფიკაციო ეტაპი დასრულდა და ოლიმპიური თამაშების მონაწილე ყველა მონაწილე გაირკვა.
კვალიფიკაციის ფინალურ შეხვედრებში ბრაზილიამ ლატვიას მოუგო, საბერძნეთმა ხორვატიას აჯობა, ესპანეთმა ბაჰამას ბარიერი დაძლია, პუერტო რიკომ კი ლიეტუვასთან მოიპოვა გამარჯვება.
საკვალიფიკაციო ეტაპზე ჯგუფური ეტაპი ვერ დაძლია საქართველოს ნაკრებმა, რომლის მეტოქეებიც ლატვიისა და ფილიპინების ნაკრებები იყვნენ.
გამარჯვების მიუხედავად - საქართველო პარიზის საგზურს დაემშვიდობა
ოლიმპიადაზე მოასპარეზე თორმეტივე გუნდი უკვე ცნობილია და გარკვეულია როგორ გადანაწილდნენ ისინი ჯგუფებში.
A ჯგუფი - საბერძნეთი, კანადა, ესპანეთი, ავსტრალია
B ჯგუფი - საფრანგეთი, იაპონია, ბრაზილია, გერმანია
C ჯგუფი - სერბეთი, პუერტო რიკო, აშშ, სამხრეთ სუდანი
ჯგუფებიდან 2-2 საუკეთესო გუნდი ავტომატურად გავა, სამ მესამეადგილოსანს შორის კი 2 საუკეთესო გააგრძელებს შემდეგ ეტაპზე ასპარეზობას.
საკალათბურთო ტურნირი სტარტს 27 ივლისს აიღებს და 10 აგვისტოს დასრულდება.
მოქმედი ოლიმპიური ჩემპიონი აშშ არის, რომელმაც ტოკიოში ფინალურ შეხვედრაში საფრანგეთი დაამარცხა. ამერიკელები ოქროზე ნაკლებს არც წელს გეგმავენ, რაზეც მათი საოცარი შემადგენლობაც მიუთითებს.
აშშ-ს ოლიმპიური გუნდი დაკომპლექტდა
