მერკვილაძის მორიგი მაგარი მატჩი ევროტურნირზე - რამდენი ქულა ჰქონდა?

საქართველოს ნაკრების წევრმა, ალექს მერკვილაძემ ევროპის ჩრდილოეთის საკალათბურთო ლიგაში (ENBL) მორიგი შედეგიანი მატჩი ჩაატარა.

მისმა დონარ გრონინგენმა ხორვატულ ალკარს 12-ქულიანი სხვაობით, 92:80 მოუგო და ტურნირის მე-4 ტურში მე-2 გამარჯვება იზეიმა.

ქართველმა 32:40 წუთი ითამაშა და ერთ-ერთი საუკეთესო იყო - 17 ქულა, 7 მოხსნა, 2 ასისტი. მის გუნდში უფრო მაღალი შედეგი არავის ჰქონია, კევინ გოდუინმა კი ასევე 17 ქულა ჩაიწერა აქტივში (3 მოხსნა, 6 ასისტიც).

ქართველი მოთამაშე კარგ ფორმაში შედის - 31 ოქტომბერს შიდა ჩემპიონატის მატჩში 27 ქულა ჩაიწერა აქტივში და, საერთოდ, ბოლო ერთ თვეში ჩატარებულ 9 საკლუბო თამაშში საშუალოდ 18.44 ქულას აგროვებს (სულ 166 ქულა).

მერკვილაძის გუნდი ENBL-ის მორიგ ტურში კვიპროსულ აელ-ს (3-დან 3 მოგება) სტუმრად დაუპირისპირდება.