ოლიმპიური თამაშები - მერამდენე ადგილზე გავიდა გვანცა ქარჩავამ?

სენეგალის დედაქალაქ დაკარში მიმდინარე ახალგაზრდულ ოლიმპიურ თამაშებზე ქართველმა სპორტსმენმა გვანცა ქარჩავამ უშუში, ჩანცუანის კომბინირებულ შეჯიბრებაში ასპარეზობა მეოთხე ადგილზე დაასრულა.

ფინალში ქართველმა სპორტსმენმა ჯამში 17.700 ქულა მოაგროვა და საპრიზო ადგილს, ბრინჯაოს მედალს, სულ რაღაც 0.339 ქულით ჩამორჩა.

ქარჩავამ ფინალური დღე ძლიერად დაიწყო. დილის სესიაზე, გუნშუში (ჯოხით ვარჯიში), მან 8.770 ქულა მიიღო და მესამე პოზიციაზე იმყოფებოდა.

დღის მეორე ნახევარში, უიარაღოდ შესრულებული ვარჯიშის (ჩანცუანი) შემდეგ, მან თავის აქტივს კიდევ 8.930 ქულა შემატა, თუმცა საბოლოო ჯამში მეოთხე პოზიცია შეინარჩუნა.

აღსანიშნავია, რომ უშუ ახალგაზრდული ოლიმპიური თამაშების პროგრამაში პირველად დაკარში იყო წარმოდგენილი.