კოპენჰაგენის სტადიონ პარკენის ჩრდილოეთ ტრიბუნის, რომელსაც შენობის სახე აქვს, შიგნით მაკდონალდსია განთავსებული.
ამ რესტორნის ფანჯრებიდან პირდაპირ მოედანზე მშვენიერი ხედი იშლებოდა და იშლება. თეორიულად, ადამიანს შეეძლო შესულიყო მაკდონალდსში, ეყიდა ბურგერი და კოპენჰაგენის მატჩებისთვის, მათ შორის ჩემპიონთა ლიგაზეც კი, უფასოდ ეყურებინა.
გარკვეული პერიოდის შემდეგ კლუბი, უეფა-ს მოთხოვნით, ბილეთების გაყიდვებისა და სატელევიზიო უფლებების დასაცავად, მატჩების მიმდინარეობისას რესტორანს ჟალუზების ჩამოფარებას ან ფანჯრების დახურვას აიძულებს, რათა სტუმრებმა ფეხბურთს უფასოდ ვერ უყურონ.
ადგილობრივები ამ მხარეს მდებარე შესასვლელ კარს ხუმრობით ბურგერ-გეითს ეძახიან, ტრიბუნას კი ჰამბურგერების სახლად მოიხსენიებენ.
პარკენი 1990-92 წლებში აშენდა და 38 190 მაყურებელს იტევს, თუმცა 1997 წელს რეკორდი დაამყარა მაიკლ ჯექსონმა, რომლის HIStory World Tour-ს 60 000-მდე ადამიანი დაესწრო.
კოპენჰაგენისა და იბერია 1999-ის მატჩი პარკენზე 6 ნოემბრის 23:55 საათიდან დაიწყება. პირდაპირი რეპორტაჟი ორ ქართულ არხზეა - Silk უნივერსალსა და Setanta Sports-ზე.
ჩვენები ევროპულ არენაზე: კოპენჰაგენი - იბერია
