VIDEO: წაგება ბოლოადგილოსანთან - ასტონ ვილას პოზიცია შეირყა
28 თებ, 2026 · 0 წთ წასაკითხად
-
Aa
+
ფონტის ზომა
ინგლისის პრემიერ ლიგის 28-ე ტურის გახსნით მატჩში ვულვზმა საკუთარ მოედანზე ასტონ ვილა მიიღო.
შეხვედრის პირველი ტაიმი უგოლოდ დასრულდა, 61-ე წუთზე კი მასპინძელთა მხრიდან ანგარიში ჟოაო გომესმა გახსნა.
ასტონ ვილამ ანგარიშის გათანაბრება ვეღარ მოახერხა, კომპენსირებულ დროში კი უკვე როდრიგო გომესმაც შეძლო თავის გამოჩენა და ვულვზმა მეტოქე 2-0 დაამარცხა.
მე-3 ადგილზე მყოფმა ასტონ ვილამ ბოლოადგილოსანთან წააგო და პრემიერ ლიგის ბოლო 5 მატჩში მხოლოდ 1 მოგება აქვს. უნაი ემერის გუნდს 51 ქულა რჩება, მდევარი მანჩესტერ იუნაიტედი კი ბირმინგემელებთან უკვე 3 ქულაშია. ამ ტურში კერიკის გუნდი კრისტალ პალასს უმასპინძლებს.
რაც შეეხება ცხრილის ფსკერზე მყოფ ვულვზს, გუნდს 13 ქულა აქვს და უსაფრთხო ზონას 14 ქულით ჩამორჩება, რაც იმას ნიშნავს, რომ პრემიერ ლიგაში დარჩენის შანსი ძალიან მცირეა.
