ვიდეო: უიმბლდონზე ფინალი მეორდება

უიმბლდონის 1/2 ფინალურ ეტაპზე ორივე შეხვედრა გაიმართა და ცნობილი გახდა თუ ვინ დაუპირისპირდება ერთმანეთს 14 ივლისს.

კარლოს ალკარასმა დანილ მედვედევი 4 სეტში დაამარცხა (7-6, 3-6, 4-6, 4-6), მოქმედი ჩემპიონი უიმბლდონის ფინალში გავიდა და კვლავ იმავე მეტოქეს დაუპირისპირდება, რომელიც შარშან დაამარცხა.

ალკარასმა ფინალის გზაზე მედვედევთან ერთად ლაიალი, ვუკიჩი, ტიაფო, ჰუმბერტი და პოლი გაიარა.

ნოვაკ ჯოკოვიჩმა იტალიელ ლორენცო მუსეტის მარტივად 3 სეტში სძლია (4-6, 6-7, 4-6) და ბრიტანული გრანდ სლემის ფინალს ზედიზედ მეორედ უწია, სადაც შეეცდება, რომ გასული წლისგან განსხვავებული შედეგი დააფიქსიროს.

ჯოკოვიჩმა საფინალო მატჩამდე მუსეტისთან ერთად კოპრივას, ფერნლის, პოპირინის, რუნესა და დე მინორის (ჩაეხსნა) ბარიერები დაძლია.

ესპანელისა და სერბის მატჩი 14 ივლისს შედგება. კარლოს ალკარასი კარიერაში მე-4 გრანდ სლემის მოგებას შეეცდება, ნოლე კი თავისი რეკორდის გაუმჯობესებისთვის იბრძოლებს და 25-ე გრანდ სლემზე გაიწევს.