VIDEO: სენსაცია მაიამიში - 19 წლის ფილიპინელმა შვიონტეკს მოუგო

მაიამიში მიმდინარე მასტერსი გადამწყვეტ ფაზაში შედის. ქალთა 1/4 ფინალურ მატჩში უდიდესი სენსაცია დაფიქსირდა.

19 წლის ფილიპინელმა, ალექსანდრა ეალამ, რომელიც WTA რეიტინგის 140-ე ჩოგანია, რეიტინგის მეორეადგილოსან იგა შვიონტეკს 2 სეტში (6-2, 7-5) მოუგო და 1/2 ფინალში გავიდა.

ფილიპინელი თინეიჯერი 1/2 ფინალში ამერიკელ ჯესიკა პეგულას შეხვდება, მეორე 1/2 ფინალურ წყვილში კი ერთმანეთს არინა საბალენკა და ჟასმინ პაოლინი დაუპირისპირდებიან.

მატჩები 27 და 28 მარტს გაიმართება, ტურნირი კი 30 მარტს დასრულდება.