ეკო გორგოძემ რიო დე ჟანეიროში მიმდინარე ჩელენჯერის 1/4 ფინალში ადვილად გაიმარჯვა და ტურნირის 1/2 ფინალურ ეტაპზე გავიდა.
ქართველს ბურუნდის წარმომადგენელ სადა ნაჰიმანასთან (252-ე ჩოგანი) სოლიდური უპირატესობა ჰქონდა და ორ სეტში - 6:4; 6:1 აჯობა.
გორგოძე, რომელიც მსოფლიოს 216-ე ჩოგანია შემდეგ რაუნდში მსოფლიოს 257-ე ჩოგან ფრანგ ალის რამეს შეხვდება. რამემ 1/4 ფინალური მატჩი, WTA-ის რეიტინგის 830-ე ნომერთან, 3 სეტში მოიგო - 4:6; 6:1; 6:2.
ინფორმაციისთვის, 33 წლის გორგოძეს, ერთეულთა შორის, კარიერაში 19 ტიტული აქვს მოგებული, ხოლო წყვილებში - 45.
შეგახსენებთ იმასაც, რომ ეკო ტიტულისთვის წყვილთა შორისაც, ესპანელ ირენე ბურილოსთან ერთად, იბრძვის და ფინალშია - ტურნირზე მე-3 ნომრად განთესილ დუეტს, ლეირე რომეროსა და ტარა უერტს დაუპირისპირდება.
