წყვილების ფინალში და ერთეულთა ნახევარფინალშია - გორგოძე რიოში ორი ტიტულისთვის იბრძვის

ეკო გორგოძე ბრაზილიის ქალაქ რიო დე ჟანეიროში მიმდინარე ჩელენჯერის ტურნირზე ორი ტიტულისთვის იბრძვის - ერთეულებში 1/2 ფინალშია, ხოლო წყვილთა შორის ფინალის საგზური მოიპოვა.

წყვილთა გათამაშების 1/2 ფინალში, ეკომ და მისმა ესპანელმა მეწყვილე ირენე ბურილომ, რომელთაც მე-4 განთესვა აქვთ, ტინა სმიტისა და მირიანა ტონას დუეტს ორ სეტში - 7:5; 6:4 მოუგეს. აღსანიშნავია, რომ ამ ავსტრალიურ-იტალიურმა წყვილმა 1/4 ფინალში მე-2 განთესვის დუეტი დაამარცხა.

გორგოძე-ბურილო ფინალში ტურნირზე მე-3 ნომრად განთესილ წყვილს, ლეირე რომეროსა და ტარა უერტს დაუპირისპირდება. შედარებით გამოცდილი წყვილია და რიომდე 3 ტურნირზე აქვთ ერთად ნათამაშები, ქართულ-ესპანური დუეტი კი ამ ტურნირამდე არის შექმნილი. ფინალური მატჩი დღეს გაიმართება.

შეგახსენებთ, გორგოძე ერთეულთა 1/2 ფინალში ფრანგ ალის რამეს ასევე დღეს ხვდება. ქართველის მეტოქე მსოფლიოს 257-ე ჩოგანია - ეკო 216-ეა.