საფრანგეთის ლიგა 1-ის მე-8 ტურში, პსჟ-მ მეორეადგილოსან სტრასბურს უმასპინძლა და ქულა 1:3-დან გადაარჩინა. ხვიჩა კვარაცხელიამ შეცვლაზე ითამაშა.
პარიზელები ბარკოლამ სწრაფი გოლით დააწინაურა, თუმცა მეორე ნახევრის დასაწყისში სტუმრები უკვე 3:1-ს იგებდნენ. ამის შემდეგ გონსალუ რამოშმა პენალტიდან შეაგდო, რასაც მაიულუს ქულის მომტანი გოლი მოჰყვა.
ხვიჩა კვარაცხელია მოედანზე 61-ე წუთზე, უკვე ნახსენები ბარკოლას ნაცვლად შევიდა - ბურთს 30-ჯერ შეეხო, 1-დან 1 წარმატებული დრიბლინგი ჰქონდა, კარისკენ 4-ჯერ დაარტყა და მათგან ზუსტი 1 იყო, თუმცა მეკარეს მოგერიება არ გასჭირვებია.
დღევანდელი ვერმოგების გამო, შესაძლოა, პსჟ-მ ლიგა 1-ის ლიდერობა დაკარგოს - თუ ლიონი ან მარსელი მოიგებენ.
ლუის ენრიკეს გუნდს ზედიზედ 3 გასვლითი მატჩი უწევს - 21 ოქტომბერს ლევერკუზენთან, 25-ში ბრესტთან, ხოლო 29-ში - ლორიენთან.
